kugip abong

no siyak siguroy unsempet
unlangoyak ed sobran liket
agko imanuey ketket na ageyet
miyapag labat na dalan daiset

mangabangak na luganan kon bukor
no walay laen ko, agdaak la itulor
amay baleg piyan dakel so karga to
malikeliket, magulo kamin undayo

amay alama ta anggapod diya
sikatoy tawayan kon getma
balibali siguron gataan
arumay silin agaylay agasang

pati samay makulnet ya kundandit
pinapaitan ya dugarugay pait
puto, pansit, kineler, halohalo
mangga, sineguelas, makapuno

agi mankatkatayak la
mantipunak lay kuwarta
no bilang walay pankanawnawa
nasasyukak ya singa ipapana

dapol ed dagem

akatalimukor manterter so lulua
intipak tod dalin so nantupag ton lima
kasunor toy maingal ya ugaog ya agmanunda
untan met iray kaliberliber, mannangis ira

sakey ya maamon lima angemkem na takeb
inyesaes "duga la" katekep toy tapik ed beneg
immalagey ya makalkalna labay toy naliing
kinarot toy tapi, tinampal toy aping

ambelabelat ya salin manakar manarawi
kukuyungen da balet mansibsibek ni
limmingay, naaninag toy saksakey ya tubong
diyad pegley na asewek tan dapol ya akabunton

"kerewen ko komoy karegtan kareenan ta ipikasi
tayoy kaligtasan na saray asalanta tan walad
madawel ya kikipasen ed puol ed california.
say Diyos manuna lawas" md

dapo ti angin

nakaparintumeng agtedted dagiti lulua
intipat na ti daga ti agsinnumbangir nga ima na
sumangbay nalaaw nga ayen-eng nga di maeppa
kasta met kadagiti umarubayan, agday-eng da

maysa a nalailo nga ima inaplawan ti abaga
inyarasaas "kuston a" karakep pikpik ti bukotna
nagin-innayad nga timmakder kayat na mariing
kinuddot na ti patong; sinipat na ti pinging

nadagdagsen nga saka magmagna, umad-adayo
ay-ayuwen da ngem agsasaiddek pay apo
intaldiapna naanninaw na agmaymaysa a tubong
ti tengnga ti asuk ken dapo nga nakabunton

"kakabsat dawatek ti ulimek a apagdarikmat
ta ikararag tayo dagiti nasaranta ken adda
peggad ti uram ti california. Diyos ti agngina" md

esaes ed bilunget

mareereen ya ayuyang daray maaro
sinag na bulan silew dan manando
esaes iran agay lay samito
napunas iray amin ya aburido

manterter ya linaew ed bilunget
kumpas na lakapan ya malmalet
kalasakas na bulong ya nagagatinan
nakebyew iray atap ya manayam

malurey ya lurem sakuban toy tawen
mapilit ya bulan labay ton takilingen
untan met et sikayon lawas manga-aro
agkayo nabiyer, mapilpilit kayo