dapo ti angin

nakaparintumeng agtedted dagiti lulua
intipat na ti daga ti agsinnumbangir nga ima na
sumangbay nalaaw nga ayen-eng nga di maeppa
kasta met kadagiti umarubayan, agday-eng da

maysa a nalailo nga ima inaplawan ti abaga
inyarasaas "kuston a" karakep pikpik ti bukotna
nagin-innayad nga timmakder kayat na mariing
kinuddot na ti patong; sinipat na ti pinging

nadagdagsen nga saka magmagna, umad-adayo
ay-ayuwen da ngem agsasaiddek pay apo
intaldiapna naanninaw na agmaymaysa a tubong
ti tengnga ti asuk ken dapo nga nakabunton

"kakabsat dawatek ti ulimek a apagdarikmat
ta ikararag tayo dagiti nasaranta ken adda
peggad ti uram ti california. Diyos ti agngina" md