agdung-awak kadi

agdung-awak kadi 10/29/04

awan ti pagbanagan na uray iyikkis o ikagat
adalem unayen ti panakalumlum ti rigat
mariknak dagiti napudno nga un-unnoy mo kabsat
ngem nasiriben dagiti sumaruno a nagannak
saan da talyawen dagiti napalabas a panawen
no kasatno makaraman ti nam-ay, isu ti panpanunuten

napalabasen dagiti panawen nga "Filipino Laeng"
adadtoy dan a agis-isem, banbatayan datayo nga nakamulengleng
arig tayo dagiti babaonen, tedtedda ti pagbibingayan
kalabitan agap-apa tayo tano makaala ti bassit a makan
ngem uray kasta ti kasasaad tayo adi addapay ti nabati
mabang-aran pay tay rusok ko no mapa-ayusan ti basi

diyak mapabasol uray sino no anya ti gapu na
nasirsirib dagiti immay nga nagkaskasaba
ti ammok ket dagiti annak tayo ket agadal da
ta pimpiman no ti daga ti pagbiagan da
no sakit ti nakem ken tigker ti bagi ti apan tayo itangsit
mapaay tayo, sakit la ti bagi ti apan tayo maapit

Bannawag Ti Ayat

Bannawag Ti Ayat(10/15/04)

Kalpas a mabasak daniw a nasudi
Uray la agtedted dagiti luluwak adi
Malagip ko man ni Nanang idi agsaksakit
Madi ti rikna ngem piliten na ti agrungiit
Apan koman insang-at idiay bantay
Tano maagasan kano sadiay
Awan ti gasat na, nagpakada a nasimpa
Maassiyan kami ta nabayagen nga rikriknaen na
Awan ti maramid mi malaksid ni "Diyos Ama"

Ala kabsat ket tumakder kan
Tano siripem tay paraangan
Pilitem nga mayaddang dagiti natured a saksaka
Apan ka makidanggay kadagiti karruba
No addaak koma dita ket bagkaten ka
Ilugan ka tay tugawan nga adda pilid na
Apan ka ipasyar idiay pagmulaan dagiti sabsabong
Tano malagip mo idi nalangto pay dagiti gurgurong

Ala wen ket agpakadaakon, kabsat
Sapay koma ta maibos ti panagrigrigat
Ta umadani manen ti bulan ti Paskua
Kayat ko nga magmagna ka a nadippa
Maay-ayatan, awan ti sakit nga marikrikna
Saan mo nga ipalubos ti pusom a malidliday
Ado nga nararagsak uray isu da ket napapaay
Nagasat ka kabsat; tay riknam maisurat
Tay bannawag a napunpunno ti ayat
Ung-ungwan na tay rupam kadanon ti bigat