Kilawen a Kalding

12/11/03

Garana maudi a kinnan

Napan kenniak, agay-ayeng-eng piman

Maysa a gedged, ket nalupisak

Ulo na nakarabaw ti palanggana, agbugsot

Bigla nga nagtigerger, biag tay naasut

Tano matungpal ti kasapulan ni Barok

Kayo ket pinasgedan, agyuboyub

Makaluwaak gapu ti maur-uram a buok

Sanga ti bayyabas pangekkat ti ngirngir

Tano makitam tay nangisit, nasileng a kudil

Iwaem nga aggapo tay rusok pababa

Mabosbos tay bagis, agtedted ti dara

Mangibingay ka, kadagiti "Kad-kadua"

Bingay da, gapu ti napintas nga ani a madama

Warisam ti asin tay nabati

Tano saan a mapirde

Natadem a kutsilyo ti pangisina tay kudil ken bagi

In-innayadem ger-re ger-retem ti babasit,

AdiIyuper mo ti suka, sibuyas, asin ken layaDa

"Apo Lakay" ti mangraman a umuna

Ub-ubbing ti maka-ammo tay tedtedda

Babbai idiay da sirsiruk ti kaykayo

Agpapatang, agtart-tarimaan ti buok wenno agpas-pasoso

Dagiti aso agbirbirok ti tulang a makagat

Ammom latta, adda nga adda ti gubat