tikmelan mo labat

diyad uma wala may kuandan kulos
dakela langoylangoy ya tamos, kuros
wala met so mansepsep na dala, linta
say gelegele met akakutep ed pitek

kapara toy bisukol, gusipeng, alireg
amay dakumo mansipit kadukol toy uleg
pantat, egat, gurami, tilapia, sapsap
walarad silsilong na water lily ed tanap

patang, batbatog, kuryat, walarad tambib
mi-uusilad tilay diyad kaute-utelay talaib
si kuyang balet aburat mansanggook ed papag
manalagar na ekat; bibil toy kikitkitay apangat

...kuyang bangon kayo manpa-oraka
kayo kunod sa may balikbayan box.
...eee...aaa bu.s.t kan disturbo
ka tetekmelan komay pantat.
...hehehehhehe.. p.lt.k mon asireg