saliwoholik

makakiremkirem ed siplog na dagem
amputiputi laray gamet dan akagemgem
ed bayobayong ya natnoy kawekawes;
dukongdukong ya susuyuren day bayesbes

ag-ira manpapakni lapur delap
o ibabatikan day antokaman ya irap
dakel labat so asaliw dan mamura
no pantitipunen; gastos ni siyansiya

naimanok ta walay anonotan
isupok tod silong na dukulan
bayongbayong ya antokaman
wala niray akasabit ya ngaran

agko anta no sakit sika tan
balet say bulsak so naabutan
saewen kolay mandem no arum
piyan walay isaliw ton unong

...kumari/kumpari medyo aryaan yo so kaskas
ta apungpung lay gamet min mantratrabaho.
no apano lay amina sipi yo pati atep
walay sakit yon saliwoholik.