gapas lamet

saray siplog dagem taew
mangiter inawad pagew
untan met ed liwawan unsasabi
diyad gilig na baybay tayon dili

no nalinggis koy arawin dalin
iliw koy manpulagsak ag-untalin
iyukok labat iyamot koy luwak
telek iran diyad dalin manpaktak

panon tula kasi'y aw-awey yon taga uma
diyad apalabas ya panaon manilaloy inawa
anonotan ko natan panaggagapas la
dakela patang, ararawan tan pisipising ira

diyad labi isimbon miray pagey
singa tori o melag ya palandey
kasumpalay sakey simba, manilik kami
itaep, isako, ipaagew, mararakep so manani