maligan agew na pisasalamat

dakel so agew ya balibalin apalabas
alikna tayoy aro, akanengneng tayoy linggas
sakisakit na pagew mandaraiset ya napupunas
maksil so laman tayon manakar; ag-uningas
tan mailalo tayo ed pirawat tayon uneyas

aratay peles da nin uni-immuas
mananos kayo agkayo nabawas
ta say panangaro tayo et manluplupias
anggad walay bilay, ag-umpagan nalimas
kanyan man-aruan kayo natan tan nabuas