anapseng ya ubas

ibasileng mula ratay tetel ed bintana
piyan agka lesaay sakit na linawa
nepeg wala kad arap na salming manpapagana
piyan makagamur kay masamit;linggis ed liwawa

siguro agmo atalusan iray bibil ton mitimiti
inkuan to "uga-ugawak nin magmawil ya laki"
agto unong ya sebelan to ka
atan labat ta saray unkakaraw
dakel so anengneng ton nabalaw

asakbay ka o naunor kan limmesa
no nalmom so kapalaran mon parad sika
ibatikan o iyamutan mo wadtan nin siyansiya
untan met ed likna;singa agmakareen ya pusa

ay! ipasen mo lan singa anapseng ya ubas
saray pilalek ya daddaiset o apalabas
iyan mo lad tekap na "anto kasi"
palemek mo tay pusom, nakaukolan toy kiki