bagyo

immepas so ambilunget a lurem
taruktaruk toy maksil ya dagem
manlalpak sangasangan nalulupak
manlalbog, mankarol, mankirmat
uran ya biyewbiyew, mandedelap

no ayan agawa et walaak ed uma
mansayotak lay betel o sira
marakep may unlugan kad nambaan
baliwen moy manungol ya angalakan
manerel kay tapewtapew ya antukaman

diya balet saraan dan amin ya dalan
ansakit lay ulom;agmo antay sempetan
daddaeset nin nalner may lugan ko
surubak ya surub agko naimano
aralem manaya; mansigam so tambotso