Tampol Kon Tambalen

gagantilenak na siplog na dagem
katekep na masanting iran lurem
diyad pilapil daway untatakken
babantayan nen asiong sekder
kumpapey mantiktikyab
mananap na rosas ya nalakap
tan delon nasepsep, panangan
ya ika-andoy maaron laman

subol managos ambetebetel
balibali untibsong, uninaway pukepukel
komon inaro warya ka ed abay ko
tano saya ran linggas nanengneng mo
anggan walakad biek taew lan abayag
diyad paninisiak na ilalo, pusok lay atikag
naguguluan-ak no sika so alagaren
o say liknaan koy tampol kon tambalen