Kuhol

Mabilog, matambok, maitim

Sa palayan nagtatago sa lilim

Sa gabi gumagapang nagpapadulas

Hahanap ng kagutumang lunas

Pagsapit ng umaga ay tulog na tulog

Siguradong busog na busog

Pag nakita siya ni Pinoy

Siguradong sa buslo siya tutuloy

Sa timba muna sila patitirahin

Para ilabas lahat ang mga kinain

Pagkatapos sila ay kukuskusin

Ang labas ay mga itim na nagniningning

Basagin ang dulo bago pakuluan

Para madaling masipsip ang laman

Lagyan ng asin, sibuyas, kamatis at luya

Dagdagan ng betsin at sampalok pampalasa

Magluto na rin ng maraming kanin

Ilabas ang San Miguel na inumin

Habang ihinahain ay siguradong langhap

Amoy, ay talagang masarap

Pagdampot ay piliin 'yong mataba

Sabay dampi sa bibig, sipsip, pikit pa ang mga mata

Mga dalaga, dahan dahan ang sipsip baka ika'y masuka

Sayang na sayang dina gagapang pa